Në ndeshjen mes Goztepe dhe Rizespor në Superligën e Turqisë, dy lojtarë shqiptarë ishin protagonistë.
Mesfushori i Kombëtares, Qazim Laçi, barazoi shifrat për Rizesporin në minutën e 60-të përmes një goditjeje nga pika e bardhë e penalltisë.
SHIKONI GOLAT E SHËNUAR: https://vetemsport.com/golat-e-shenuar-nga-laci-dhe-kurtulan/
Megjithatë, baraspesha zgjati vetëm tre minuta, pasi Arda Kurtulan riktheu avantazhin për skuadrën vendëse të Goztepes. 23-vjeçari realizoi me një goditje të saktë nga kufijtë e zonës pas një aksioni të mirëorganizuar të ekipit të tij. Kurtulan, i cili këtë sezon po luan në rolin e mesfushorit, ka treguar polivalencë duke mbuluar disa pozicione në fushë.
Edhe pse ka qenë pjesë e moshave të Shqipërisë, lojtari ende nuk ka marrë një ftesë nga trajneri Silvinjo për ekipin kombëtar A. Për këtë arsye, në mediat turke është diskutuar mundësia e një ndryshimi të mundshëm të përfaqësueses nga ana e tij.
Performanca e fundit konfirmon formën e mirë që po kalojnë të dy lojtarët në elitën e futbollit turk.
