Nazmi Gripshi ka gjetur sërish rrugën e rrjetës në Kazakistan, aty ku është pjesë e skuadrës së Astana.
Sulmuesi shënoi me penallti në fundin e pjesës së parë, në ndeshjen ku ekipi i tij triumfoi 5-3 ndaj Aktobe.
28-vjeçari konfirmon edhe njëherë formën e shkëlqyer, pasi ky është goli i 16-të, në 25 ndeshje të zhvilluara. Ai numëron gjithashtu edhe gjashtë asiste.
Goli për Gripshin, vjen vetëm pak ditë pas grumbullimit me Kombëtaren shqiptare. Ai nuk u aktivizua ndaj Serbisë, por debutimin me fanellën kuqezi e bëri në miqësoren ndaj Jordanisë.
