Skënderbeu triumfoi 3-1 ndaj Besës, në miqësoren e zhvilluar në Korçë. Dy ekipet pretendente të Kategorisë së Parë, u përballën mes tyre në qytetin juglindor, aty ku po zhvillojnë edhe fazën përgatitore.
Kavajasit e nisën mirë ndeshjen duke kaluar të parët në avantazh, me një gol të Chinedu në minutën e 20-të. Korçarët ishin dominues, por pjesa e parë nuk solli ndryshim rezultati.
Në fraksionin e dytë, Skënderbeu ishte më kërkues dhe ia doli të përmbysë gjithçka. Ukiçi barazoi shifrat në minutën e 53-të, me një supergol nga jashtë zone.
Golin e përmbysjes e shënoi Tayo me kokë, pas një krosimi të marrë nga Zenullari. Në fund të takimit shënoi edhe Gjini, që vulosi takimin në shifrat 3-1.
Paraqitje pozitive nga Skënderbeu, që pak ditë më parë u mposht me rezultatin e thellë 4-0 nga Struga.
Skënderbeu dhe Besa do të luajnë në Kategorinë e Parë në sezonin e ri dhe synojnë ngjitjen në elitë.
/tvklan.al
