Sulmuesi i Kombëtares shqiptare, Taulant Seferi, ishte protagonisti kryesor në fitoren e pastër 3-0 të Bodrumspor ndaj Serikspor, ndeshje e vlefshme për javën e 23-të në Ligën e Parë në Turqi.
Bodrumspor dominoi takimin duke shënuar një herë në pjesën e parë dhe dy herë në të dytën. Goli që vulosi rezultatin mbajti firmën e Seferit, i cili realizoi golin e tretë për skuadrën e tij.
Me këtë realizim, sulmuesi shqiptar arrin shifra mbresëlënëse këtë sezon: 12 gola dhe 4 asistime në 22 paraqitje.
Performanca e tij u vlerësua pozitivisht edhe nga platformat e statistikave, ku “SofaScore” i dha notën 7.3.
Kjo formë e mirë e Seferit vjen në një moment kur ai kërkon të tërheqë vëmendjen e trajnerit të Kombëtares, Silvinjo, i cili nuk e ka grumbulluar lojtarin në aksionet e fundit.
