Sulmuesi shkodran Erald Çinari ka qenë protagonisti kryesor në fitoren e fundit të skuadrës Al Jabalain në Ligën e Parë Arabe.
Gjatë sfidës së javës së 16-të kundër Al Arabi, ai arriti të zhbllokonte rezultatin në minutën e 56-të të takimit. Ky gol i dha avantazhin dhe qetësinë e nevojshme ekipit të tij për të administruar ndeshjen deri në fund.
SHIKONI VIDEON: Goli i shënuar nga Erald Çinari
Takimi u mbyll me rezultatin 0-2, duke i siguruar Al Jabalain tre pikë mjaft të rëndësishme për renditjen. Falë këtij suksesi, skuadra është ngjitur në vendin e gjashtë, pozicion që lejon pjesëmarrjen në fazën “Play Off”.
Për futbollistin shqiptar, ky ishte goli i katërt personal gjatë këtij sezoni futbollistik. Përveç golave, Çinari ka kontribuar edhe me dy asistime, duke u konfirmuar si një lojtar kyç në ofensivën e ekipit.
