Xabi Alonso nuk është më trajner i Real Madridit. Klubi ka vendosur të largoje tekninkun bask, pas vetëm shtatë muajve në stol.
Vendimi vjen pas rezultateve negative në kampionat dhe humbjes në finalen e Superkupës së Spanjës ndaj Barcelonës. Edhe pse më herët ishte raportuar se drejtuesit nuk po mendonin ndryshime, situata ndryshoi menjëherë pas disfatës së fundit.
Ndarja mes palëve është zyrtarizuar me marrëveshje të përbashkët. Në vend të Alonsos është emëruar Alvaro Arbeloa. Ish-mbrojtësi i djathtë i Realit drejtonte më parë skuadrën e të rinjve.
Ai konsiderohet një projekt afatmesëm për klubin madrilen. Real Madridi ka falënderuar Alonson dhe stafin e tij për punën e kryer.
