Arturo Vidal, mesfushor i Colo Colo dhe ish-lojtar i Interit e Juventusit, rrezikon një pezullim të gjatë pas një incidenti me gjyqtarin.
Ngjarja ndodhi gjatë ndeshjes kundër Everton de Viña del Mar, pas golit të barazimit të shënuar nga kundërshtarët në minutën e fundit. Vidal shfaqi pakënaqësi për një penallti të dhënë në favor të Everton, të cilën e konsideroi të dyshimtë.
Arturo Vidal puede ser citado al Tribunal de Disciplina por encarar al árbitro tras el partido contra Everton. pic.twitter.com/g8E70Ih9Mu
— Julian. (@juuuliaaaaan) August 10, 2025
Gjatë kthimit në dhomat e zhveshjes, ai pati një përplasje verbale dhe fizike me gjyqtarin në tunel. Arbitri e raportoi incidentin në raportin zyrtar pas ndeshjes.
Federata Kiliane e Futbollit pritet të vendosë për masën disiplinore ndaj tij. Skenari më i butë parashikon një pezullim për dy ndeshje, duke përfshirë sfidat kundër Universidad Católica dhe Universidad de Chile. Vendimi pritet të merret pas shqyrtimit të plotë të rastit.
