Vllaznia triumfoi minimalisht ndaj Egnatias, në supersfidën e javës së 19-të në Superiore.
Sukses i rëndësishëm për shkodranët ndaj rivalëve direktë, në garën për titull. Një gol i shënuar nga Kallaku në minutën e 27-të, vendosi takimin.
Në fraksionin e dytë, rrogozhinasit gjetën barazimin me Buric, por goli i anulua për pozicion jashtë loje.
Pavarësisht humbjes, Egnatia mbetet në krye të renditjes me 37 pikë, ndërsa Vllaznia ngjitet në vendin e tretë me 33 pikë të grumbulluara.
SHIKONI RENDITJEN: https://vetemsport.com/java-e-12-superiore-renditja/ https://vetemsport.com/java-e-12-superiore-renditja/
Elbasani dhe Flamurtari u ndanë në barazim 1-1, të zhvilluar në “Elbasan Arena”.
Pjesa e parë ishte e luftuar dhe me raste nga të dyja skuadrat, por pa gola. Në fraksionin e dytë, Elbasani kaloi në avantazh në minutën e 73-të, kur Diallo realizoi saktë nga pika e bardhë.
Reagimi i Flamurtarit ishte i shpejtë, pasi Oshafi barazoi shifrat në minutën e 80-të. Në minutat e fundit pati raste në të dyja portat, por rezultati nuk ndryshoi.
Me këtë barazim, Elbasani ruan vendin e dytë në renditje me 34 pikë. Flamurtari mbetet në zonën e poshtme të tabelës, në vendin e parafundit me 15 pikë.
