Klubi i Tiranës ka marrë më në fund lajmin e shumëpritur për zhbllokimin e merkatos nga FIFA.
Vendimi zyrtar i heq pengesat burokratike që mbajtën bllokuar afrimet e kësaj vere te skuadra bardheblu.
Pas këtij zhvillimi, drejtuesit kanë mundësinë të regjistrojnë menjëherë të gjithë futbollistët që kishin mbetur në pritje.
Ky vendim sjell një lehtësim të madh për stafin teknik në prag të sfidave të radhës në kampionat. Me rikthimin e të drejtës së federimit, trajneri do të ketë në dispozicion një organikë konsiderueshëm më të plotë.
Emra si Ilievski, Hazrollaj, Staniç, Vitija, Krymi, Kis, Berisha, Kollej dhe Daci do të federohen zyrtarisht.
Prania e tyre rrit ndjeshëm cilësinë dhe alternativat taktike të skuadrës në fushën e lojës.
Tirana pritet të paraqitet me një tjetër fytyrë që nga përballja e radhës në kampionat.
/Cna
