Klubi i Teutës ka mbyllur merkaton e dimrit me lëvizje në hyrje dhe në dalje. Durrsakët kanë ndërprerë zyrtarisht bashkëpunimin me sulmuesin Xhoel, i cili nuk bënte më pjesë në planet e stafit teknik.
Gjithashtu, mbrojtësi i ri Erisjon Balla është huazuar te Kukësi për më shumë minuta, duke qenë se te “Djemtë e Detit” ishte aktivizuar vetëm 3 minuta në Kupë.
Në drejtim të përforcimeve, Teuta ka zyrtarizuar dy emra interesantë për sulmin. Nga Argjentina vjen talenti Santiago Puço, i cili vjen nga CA Talleres ku është rritur nën urdhrat e legjendës Carlos Tevez.
Ndërkohë, lëvizja e fundit ishte ajo e Xhovalin Trifonit nga Apolonia. 21-vjeçari, i cili shënoi 5 gola këtë sezon në Kategorinë e Parë (dhe 13 edicionin e kaluar), do të zëvendësojë të larguarin Fadairo në krahun e djathtë të sulmit.
Këto ndryshime vijnë si një përpjekje emergjente për të rikthyer Teutën te fitorja pas një periudhe mjaft të vështirë.
