Teuta ka zyrtarizuar afrimin e mesfushorit brazilian Higor Vidal. Futbollisti 30-vjeçar vjen nga skuadra irakiane Erbil SC, ku ka luajtur si mesfushor ofensiv.
Karrierën e ka nisur në Brazil, ndërsa në Europë ka qenë pjesë e Pas Janinës në Greqi dhe Zalgiris në Lituani. Më pas ka luajtur edhe në Izrael, Indonezi, Afrikën e Jugut dhe Irak.
Teuta e ka prezantuar si një lojtar që do të sjellë fleksibilitet, siguri dhe përvojë në repartin ofensiv. Ky transferim është pjesë e planeve të klubit për të konkurruar në zonën e Europës dhe për trofe.
Vidal pritet të ketë një rol të rëndësishëm në objektivat e skuadrës për edicionin e ri.
