Diant Ramaj është futbollisti më i ri i ekipit të Heidenheim në Bundesligë. Portieri shqiptar ka mbyllur aventurën e tij me Borussia Dortmund, por jo përgjithmonë.
23-vjeçari ka kaluar nga BVB te “kuqeblutë” e Heidenheim në formë huazimi. Kjo formulë transferimi do të jetë e vlefshme deri në verën e vitit 2026, më saktë deri më 30 qershor.
Ndërkohë që me Dortmund, Ramaj ka edhe 4 vite kontratë, pra deri në vitin 2029. Vlen të theksohet se para disa muajsh, 23-vjeçari zbuloi se ka pasur kontakte për t’u bashkuar me Kombëtaren shqiptare.
