Juljan Shehu ka rinovuar kontratën me Widzew Lodz deri më 30 qershor 2028, me opsion për një vit shtesë.
Futbollisti i Kombëtares shqiptare iu bashkua klubit polak në verën e vitit 2022 dhe deri tani ka zhvilluar 78 ndeshje, duke shënuar 8 gola.
Drejtori sportiv i klubit, Mindaugas Nikolicius, theksoi rëndësinë e Shehut si lider brenda dhe jashtë fushës. Ai u shpreh se zgjatja e kontratës ka qenë një objektiv i gjatë i klubit dhe u finalizua me sukses.
Performancat e mira të 27-vjeçarit kanë sjellë edhe thirrjen e tij në Kombëtaren shqiptare në mars.
Në këtë sezon, Shehu ka kontribuar me 3 gola dhe 3 asiste në 10 ndeshje. Me Kombëtaren shqiptare ai ka luajtur në 4 takime.
