Victor Da Silva është lojtari i ri i Partizanit. Njoftimi zyrtar ka ardhur nga vetë klubi i kuq, që bën të ditur se braziliani ka firmosur kontratë një vjeçare, me mundësi rinovimi edhe për një tjetër vit.
Da Silva është rikthyer te Partizani, me të cilët fitoi titullin kampion në vitin 2023.
NJOFTIMI:
FK Partizani ka kënaqësinë të njoftojë rikthimin e Victor Da Silva në familjen e kuqe.
Pas aventurës së suksesshme në sezonin 2022-2023, ku kontribuoi në fitimin e titullit të 17-të kampion të Shqipërisë, sulmuesi brazilian riveshë fanelën e kuqe.
Da Silva ka nënshkruar një kontratë 1+1 dhe sot i është bashkuar grupit në seancën e radhës stërvitore.
