Pogradeci ka arritur marrëveshjen me Partizanin për huazimin e mesfushorit Kazeem Ogunleye deri në fund të sezonit.
Ky është lojtari i dytë që transferohet nga radhët e të kuqve drejt liqenorëve, pas huazimit të Mateo Shanajt pak kohë më parë.
Ogunleye dhe Shanaj llogariteshin si pjesë e stolit të Partizanit gjatë fazës së parë, ndërsa te Pogradeci pritet të kenë më shumë hapësira aktivizimi. Përmes këtyre lëvizjeve, skuadra liqenore po shfrytëzon lidhjet me klubet e Superiores për të rritur cilësinë e grupit.
Përveç dy lojtarëve të Partizanit, Pogradeci ka afruar edhe ish-kapitenin e Bylisit, Marin Abazaj, duke e bërë këtë një nga merkatot më aktive të klubit.
Liqenorët janë një nga pretendentët kryesorë për ngjitjen në Superiore, pasi mbajnë vendin e tretë në Kategorinë e Parë.
