Lorenc Trashi është lojtari më i ri i Besëlidhjes. Njoftimi ka ardhur nga vetë klubi lezhjan.
Mbrojtësi i majtë mbyll kështu aventurën te Flamurtari dhe tashmë do të luajë në Kategorinë e Parë me Besëlidhjen.
“Lorenc Trashi është futbollisti më i ri i Besëlidhjes. Pjesë e Kombëtares Kuq e Zi, fitues i trofeut “futbollisti i vitit”, Kampion i Shqipërisë, fitues i Super Kupës, 2 herë kampion i superligës dhe Super Kupës Kosovare. Firmos për Besëlidhjen për vijimin e sukseseve”, thuhet në njoftimin e klubit.
Afrim me peshë për Besëlidhjen, me një lojtar që e njeh mirë kampionatin dhe ka eksperiencën e duhur.
