Sulmuesi Judah Garcia ka njoftuar zyrtarisht largimin nga Partizani. Lajmi është bërë i ditur nga vetë lojtari 25-vjeçar përmes një postimi në “InstaStory”.
Vendimi vjen pasi ai nuk ishte pjesë e planeve të trajnerit Oltijon Kërnaja. Garcia nuk është grumbulluar as në stol në shtatë ndeshjet e fundit të ekipit.
Ndeshja e fundit ku ai mori minuta me fanellën e Partizanit ishte ajo ndaj Vorës, më 4 nëntor. Në mesazhin e tij, sulmuesi ka falënderuar klubin, stafin dhe bashkëlojtarët për periudhën e kaluar në Shqipëri.
Ai ka përmendur gjithashtu ish-trajnerin Gega dhe drejtuesit e mëparshëm për besimin e dhënë. Garcia i ka uruar Partizanit suksese në vazhdim të sezonit.
