Juljan Shehu u afirmua gjatë vitit 2025 si një nga elementët e rinj të spikatur.
Mesfushori regjistroi debutimin e tij me Kombëtaren dhe u aktivizua rregullisht në formacion. Paralelisht, ai ishte pjesë e rëndësishme e Widzew Lodz në Poloni, ku zhvilloi paraqitje të qëndrueshme.
Si rezultat, klubi polak i ofroi rinovimin e kontratës, e cila u firmos deri në vitin 2028. Megjithatë, e ardhmja e tij mbetet e hapur për një transferim të mundshëm.
Për shërbimet e mesfushorit ka interes nga Panathinaikos në Greqi, Valencia në Spanjë si dhe një klub nga Shtetet e Bashkuara.
Kontrata e Shehut përmban një klauzolë që lejon largimin në rast oferte nga ligat kryesore. Kjo krijon mundësinë e transferimit drejt një kampionati më të fortë europian.
