Mesfushori Isi Manellari është zyrtarizuar si futbollisti më i ri i Dinamos, vetëm pak ditë pas ndarjes së papritur të rrugëve me skuadrën e Elbasanit.
28-vjeçari nga Pogradeci vjen pas një edicioni
të suksesshëm me verdheblutë, ku regjistroi 39 paraqitje zyrtare dhe rreth 3000 minuta lojë në total.
Pas arritjes së akordit me presidentin Adrian Bardhi, lojtari ka nënshkruar kontratën dhe është nisur menjëherë drejt Ohrit për t’u vënë nën urdhrat e stafit teknik në fazën përgatitore.
Drejtuesit e klubit kryeqytetas e konsiderojnë afrimin e ish-mesfushorit të Laçit si një përforcim me mjaft peshë për të rikthyer ekuilibrat dhe organizimin në mesfushën e bluve.
