Vasil Shkurtaj do të vazhdojë karrierën në Qipro, te skuadra e AEZ Zakakiou. Sulmuesi e mbylli aventurën te Flamurtari dhe do të jetë pjesë e ekipit qipriot.
Me këta të fundit, Shkurtaj ka firmosur një kontratë 1-vjeçare, pra të vlefshme deri në verën e vitit 2026. Ndërkohë që për shërbimet e 33-vjeçarit, klubi qipriot nuk ka paguar asnjë “kacidhe”, pasi sulmuesit i kishte përfunduar kontrata me Flamurtarin.
Shkurtaj ka një karrierë interesante. Sulmuesi është aktivizuar për ekipe të njohura si Ajax U19, Olympiacos U21, Lazio U19, Tondela, Roda, Luftëtari, Kukësi dhe Laçi.
