Arbër Çyrbja është lojtari më i ri i Kukësit në Kategorinë e Parë.
Klubi verilindor ka njoftuar afrimin e mesfushorit me përvojë, me synim për të siguruar mbijetesën.
Çyrbja u largua nga Teuta në Superiore pak javë më parë, ndërsa tashmë do të vazhdojë karrierën në Kategorinë e Parë.
“Futboll Klub Kukësi ka kënaqësinë të njoftojë se Arbër Çyrbja është zyrtarisht pjesë e klubit tonë! Mesfushori ka firmosur ditën e sotme kontratën dhe do të jetë i gatshëm për sfidën e radhës”, thuhet në njoftim.
Kukësi ka nisur një revolucion, ku synim është mbijetesa, pasi ekipi mban vendin e fundit në renditje.
