Klubi i Kukësit ka nisur zyrtarisht ndërhyrjet në merkato pas shlyerjes së detyrimeve financiare që kishin sjellë bllokimin nga FIFA.
Si hap të parë, drejtuesit kanë emëruar Fundim Dollakun në postin e Drejtorit të Përgjithshëm, duke plotësuar kështu stafin administrativ.
Paralelisht, skuadra verilindore ka prezantuar dy afrimet e reja nga Brazili, mesfushorët Mateus Gama dhe Paulo Henrike. Krahas tyre, është mundësuar edhe federimi i mbrojtësit Astion Sulçe, i cili ishte pjesë e ekipit prej kohësh.
Këto lëvizje vijnë pas zhbllokimit të sistemit të transferimeve, i cili lejon zyrtarizimin e lojtarëve të rinj. Klubi pritet të emërojë së shpejti edhe trajnerin e ri për të pasuar stafin e mëparshëm. Synimi kryesor i këtyre ndryshimeve mbetet sigurimi i mbijetesës në kategorinë përkatëse.
