Interi zbret sërish në fushë këtë mbrëmje për tu përballur Pisa-n, vetëm tre ditë pas ndeshjes së Champions League ndaj Arsenalit.
Takimi është i rëndësishëm për grumbullimin e pikëve, në pritje të dueleve direkte Juventus–Napoli dhe Roma–Milan. Arsyeja e këtij ritmi të ngjeshur lidhet me faktin se kjo do të jetë ndeshja e fundit në “San Siro” para pauzës olimpike.
Stadiumi “Meazza” do t’i nënshtrohet përgatitjeve për ceremoninë hapëse të Lojërave Olimpike Dimërore Milano-Cortina 2026. Si Interi ashtu edhe Milani do të luajnë për disa javë larg shtëpisë.
Kalendari i të dy skuadrave përfshin transferta dhe ndeshje në stadiume alternative. Rikthimi i parë në “San Siro” do të jetë ai i Interit ndaj Juventusit më 15 shkurt, ndërsa Milani pritet të kthehet më vonë, ndaj Parmës më 22 shkurt.
