Partizani ka prezantuar sulmuesin e ri. Klubi i kuq ka njoftuar afrimin e Rrok Toma nga italianët e AlninoLeffe. 21-vjeçari ka firmosur për tre sezone me “demat”.
Toma e njeh mirë kampionatin, pasi ka luajtur edhe me Teutën, ndërsa është pjesë e Kombëtares U-21.
Afrimi i sulmuesit, vjen në një moment kur te Partizani ka shpërthyer një çështje, pas përplasjes së Skukës me Juan Garcia. Nga shumë persona, Toma shihet si zëvendësues për Skukën.
NJOFTIMI:
FK Partizani me kënaqësi zyrtarizon arritjen e transferimit të lojtarit Rrok Toma nga ekipi italian UC AlbinoLeffe.
Sulmuesi 21 vjeçar tashmë do të jetë pjesë e Partizanit, pasi ka firmosur me të kuqtë një kontratë 3 vjeçare me opsion rinovimi edhe për një tjetër sezon.
Toma aktualisht kontingjent i ekipit tonë përfaqësues U-21 do ti bashkohet të kuqve pas impenjimeve me kuqezinjtë në dy testet miqësore ndaj Gjermanisë dhe Zvicrës.
