Skënderbeu ka fituar 3-2 ndaj Apolonisë në transfertë, në javën e 11-të në Kategorinë e Parë.
Pjesa e parë ishte spektakolare nga të dyja ekipet. Fierakët kaluan në avantazh në minutën e 15-të me Trifonin, ndërsa Skënderbeu përmbysi rezultatin me golat e Nasr në minutën e 20-të dhe Musa në minutën e 22-të.
Topi riktheu baraspeshën, me golin e dytë për Apoloninë në minutën e 25-të.
Goli i tretë dhe i fitores për Skënderbeun u shënua në minutën e 56-të nga Nasr, i cili me portën e boshatisur nuk e kishte të vështirë të realizonte.
Me këtë fitore, Skënderbeu shkëputet në krye me 28 pikë, ndërsa Apolonia renditet në vendin e shtatë me 13 pikë.
