Dinamo ka federuar një lojtar të ri, ndonëse merkato e verës është mbyllur.
Bëhet fjalë për sulmuesin 21-vjeçar nga Guinea, Cheick Mariam Diane, i lindur më 20 mars 2004. Ai shihet si zëvendësuesi i Peter Mandelës, i cili u transferua në kampionatin ukrainas.
Klubi kryeqytetas ka arritur akordin me lojtarin dhe i është prerë bileta për të udhëtuar drejt Shqipërisë. Diane është regjistruar zyrtarisht si futbollist i Dinamos.
Vlerësimi për aftësitë e tij do të bëhet nga stafi teknik i Ilir Dajës, pasi të nisë stërvitjen me ekipin.
Aktualisht, informacioni mbi lojtarin është i kufizuar, por Dinamo shpreson që ai të plotësojë repartin sulmues. Nëse paraqitet mirë, “nëndetësja” do të konsiderohet e kompletuar në repartin ofensiv.
