Gazetari Ervin Baku, ka dhënë lajmin e mirë për legjendën, Agustin Kola.
Në një postim në rrjetet sociale, Baku shkruan se Kola e ka lënë reanimacionin dhe gjendja e tij po përmirësohet.
“Fola me Tinin pak më parë… Lavdi Zotit është më mirë, po stabilizohet. E ka lënë reanimacionin dhe është në dhomë… Zoti t’rujtë legjendë. Legjendë me kuptimin e plotë të fjalës”, shkruan Baku.
Ish-sulmuesi i famshëm bardheblu është diagnostikuar me ulçerë në stomak, çka ka detyruar mjekët të ndërhyjnë për trajtim të specializuar. Mjekët konfirmojnë se gjendja e Kolës është e qëndrueshme dhe se ai po i përgjigjet mirë terapisë, ndërsa pritet të qëndrojë nën kujdesin e stafit mjekësor edhe për pak ditë të tjera.
