Klubi ekuadorian i kategorisë së tretë, Astillero FC, është përfshirë në një skandal të rëndë financiar pas dyshimeve për lidhje me mafian shqiptare.
Gazetari Andersson Boscan ka zbuluar parregullsi të mëdha, ku në vitin 2023 klubi shpenzoi 3.5 milionë dollarë, ndërsa deklaroi vetëm 100 mijë dollarë të ardhura.
Sipas raportit, financimi lidhet me ish-drejtorin Héctor Pesantes Sangurima dhe kompaninë e sigurisë “Agusegpro”, e cila po hetohet për lidhje me mafian shqiptare.
Pavarësisht shifrave të pajustifikuara, klubi ka mohuar çdo akuzë dhe kërkon mbrojtjen e imazhit të tij. Sportivisht, ekipi vazhdon suksesin duke u kualifikuar në 1/8 e finaleve të Ascenso Nacional 2025.
