“Vetëm Sport” mëson se trajneri i Shqipërisë, Silvinjo, ka vendosur të ftojë mbrojtësin e majtë të AEK-ut, Stavros Pilios, në radhët e kuqezinjve.
Pas një vëzhgimi të hollësishëm në më shumë se 10 ndeshje, stafi teknik i FSHF-së ka dhënë dritën jeshile për afrimin e lojtarit.
Pilios, i cili luan në krah të Thomas Strakoshës te ekipi i AEK, ka treguar një formë të shkëlqyer gjatë këtij sezoni.
Futbollisti ka rrënjë shqiptare dhe ka shprehur dëshirën e tij të plotë për të përfaqësuar ngjyrat kuqezi. Aktualisht, pritet vetëm dekreti i Presidentit Begaj për pajisjen e tij me pasaportën shqiptare.
Ky afrim shihet si një vlerë e shtuar për repartin defensiv për sfidat e marsit.
Pas përfundimit të procedurave administrative, Pilios do të jetë nën urdhrat e Silvinjos.
