Tomas Brdariç pritet të rikthehet në futbollin shqiptar. Trajneri gjerman, që ka drejtuar më parë Vllazninë në dy periudha të ndryshme, është në bisedime për të marrë drejtimin e Flamurtarit.
Sipas “Shkodra Sport”, Brdariç është kandidati kryesor për të zëvendësuar Carlos Garcian, i cili pritet të largohet pas ndeshjes me Dinamon.
Thuhet se ka një akord paraprak mes palëve dhe zyrtarizimi mund të ndodhë shumë shpejt. Në aventurën e tij të parë me Vllazninë, trajneri gjerman fitoi Kupën e Shqipërisë. Në rikthimin e dytë, ai arriti të dërgojë skuadrën deri në finalen e “Final Four”, ku u ndal nga Egnatia.
Për Flamurtarin, emërimi i Brdariç do të ishte një lëvizje e rëndësishme në pankinë.
