Shqipëria do të përballet me Serbinë më 11 tetor në stadiumin e Leskovacit, në një sfidë që përbën ndeshjen e 9-të historike mes dy skuadrave.
FIFA ka publikuar protokollin e ndeshjes duke përfshirë edhe historikun e përballjeve mes ekipeve.
Sipas këtij bilanci, janë zhvilluar shtatë sfida, ku Serbia ka fituar pesë dhe dy janë mbyllur në barazim. Në të dhënat zyrtare të FIFA-s mungon fitorja e Shqipërisë 0-3 në Beograd, vendim i dhënë nga Gjykata e Arbitrazhit Sportiv pas ndërprerjes së ndeshjes nga incidentet në tribunë.
Në atë kohë, UEFA fillimisht kishte vendosur që rezultati të ishte 3-0 në favor të Serbisë. Më pas, KAS ndryshoi përfundimisht verdiktin duke dhënë fitoren për Shqipërinë. Ky precedent ka sjellë debate edhe në rastin e fundit, pasi FIFA nuk e ka përfshirë këtë takim në historikun zyrtar.
FSHF tashmë ka detyrimin të informojë dhe të kërkojë korrigjimin e këtyre të dhënave. Qëllimi është që protokolli i ndeshjes së 11 tetorit të reflektojë të dhënat reale. Në këtë mënyrë, shmangen pasaktësitë që rrezikojnë të kthehen në polemika të reja.
