Arsenali vazhdoi ecurinë perfekte në Ligën e Kampioneve duke mposhtur Slavia Pragën 3-0 në transfertë dhe duke barazuar rekordin e klubit me tetë ndeshje radhazi pa pësuar gol.
Saka zhbllokoi rezultatin në minutën e 30-të me penallti, ndërsa Merino realizoi dy herë në pjesën e dytë për të vulosur fitoren. Londinezët dominuan në çdo aspekt të lojës dhe arritën të ruajnë një tjetër “clean sheet” falë organizimit të mbrojtjes.
Në fund, debutoi edhe 15-vjeçari Max Dowman, që u bë lojtari më i ri në historinë e Ligës së Kampioneve.
Në ndeshjen tjetër të mbrëmjes, Napoli barazoi 0-0 me Eintracht Frankfurt në “Diego Armando Maradona”. Pavarësisht dominimit në lojë, italianët nuk arritën të gjenin rrugën e golit, ndërsa gjermanët u përqendruan te mbrojtja.
Të dyja skuadrat ndajnë tani nga katër pikë pas katër ndeshjeve, ndërsa për Napolin dueli i radhës ndaj Qarabagut pritet të jetë vendimtar për vazhdimin e tyre në turne.
