Talenti i Barcelonës, Lamine Yamal, është aktualisht lojtari më i vlefshëm në botë me një vlerë tregu prej 279.7 milionë euro.
Ai ka arritur këtë nivel pas një sezoni të suksesshëm në La Liga dhe performancave mbresëlënëse në moshë të re. Veshja e fanellës me numrin 10 tregon besimin që klubi katalanas ka tek ai.
Në listën e më të vlefshmëve, menjëherë pas tij renditet Kylian Mbappé me 236.9 milionë euro, ndërsa Erling Haaland zë vendin e tretë. Real Madrid ka më shumë përfaqësues në dhjetëshen e parë, përfshirë Bellingham, Vinicius dhe Valverde.
Mesfushori Pedri nga Barcelona vlerësohet me 131.8 milionë euro. Lista përmbyllet me emra të rinj si Saka, Musiala dhe Florian Wirtz.
