Kristjan Asllani duket se është gjithnjë e më pranë largimit nga Interi. Sipas Gianluca Di Marzios, Bologna ka hyrë fuqishëm në garë për mesfushorin shqiptar.
Bisedimet e fundit mes dy klubeve kanë qenë pozitive, me palët që kanë përcaktuar parimisht një shifër për transferimin. Interi pritet të mbajë një përqindje të kartonit të lojtarit, në mënyrë që të përfitojë nga një shitje e ardhshme.
Tani mbetet të arrihet marrëveshja mes Bolognas dhe vetë futbollistit. Në rast se arrihet akordi, transferimi i Asllanit mund të kryhet shpejt. Ai do t’i bashkohej menjëherë skuadrës së trajnerit Vincenzo Italiano.
