Kartoni i Ernest Muçit, i takon zyrtarisht skuadrës së Trabzonspor. Besiktas, ka njoftuar shitjen e fantazistit shqiptare, tek ekipi tjetër turk, ku sezonin e fundit luajti si i huazuar.
Trabzonspor kishte të drejtën e blerjes së kartonit dhe e ushtroi atë. Muçi zhvilloi 27 ndeshje dhe arriti të realizojë 11 gola, ndërsa kontribuoi edhe me 3 asistime. Gjatë sezonit, ai u kthye në një nga pikat kryesore të repartit ofensiv të skuadrës turke, duke qenë vendimtar në disa ndeshje të rëndësishme.
Paraqitjet e tij ndikuan edhe në rrugëtimin e Trabzonsporit drejt finales së Kupës së Turqisë. Forma konstante e futbollistit shqiptar ka sjellë edhe zhvillime të rëndësishme për të ardhmen e tij, pasi klubi turk vendosi të blejë kartonin e Muçit për një shumë që raportohet rreth 9 milionë euro.
Sipas marrëveshjes së re, 25-vjeçari do të përfitojë rreth 3.5 milionë euro në sezon. Me këtë kontratë, Muçi pritet të bëhet një nga lojtarët shqiptarë më të paguar në futbollin europian.
