Dizajnjatori i arbitrave në Itali, Gianluca Rocchi, është vendosur nën hetim për mashtrim sportiv. Hetimet përqendrohen në sezonin 2024/25, me dyshime që të kujtojnë skandalin “Calciopoli” të dy dekadave më parë.
Ndonëse ambientet arbitrare shprehen të qetë për shkak të transparencës së treguar në rastet e debatuara, dy ndeshje janë nën vëzhgimin e hetuesve: Udinese-Parma dhe Inter-Verona.
Në qendër të dosjes është sfida Udinese-Parma, ku dyshohet se Rocchi ka ndikuar te gjyqtari i VAR-it, Daniele Paterna, për të ndryshuar mendim rreth një penalltie.
Sipas rindërtimit të ngjarjes, Paterna fillimisht nuk e konsideroi faull, por pas një ndërhyrjeje të jashtme, ku dyshohet se Rocchi ka “trokitur” në xhamin e sallës VAR, ai sugjeroi rishikimin në fushë që solli golin e fitores për Udinesen.
Gjithashtu, po hetohet edhe sfida Inter-Verona e janarit 2024, ku një goditje me bërryl e Bastonit nuk u ndëshkua, duke lejuar golin e fitores së zikaltërve, një rast që vetë sektori arbitrar e ka pranuar publikisht si gabim njerëzor.
Hetimet po vijojnë për të përcaktuar nëse bëhet fjalë për gabime teknike apo për një ndikim të qëllimshëm në rezultate.
