Java e parafundit në Kategorinë e Parë nis sot në orën 15:00 me të gjitha sfidat që luhen paralelisht, por vëmendja është zhvendosur te dyshimet për integritetin e garës.
Në një lëvizje të pazakontë, kompanitë ndërkombëtare të basteve kanë vendosur të heqin nga kuotimet tri ndeshje specifike: Burreli-Lushnja, Kastrioti-Luftëtari dhe Pogradeci-Skënderbeu.
Ky vendim vjen si pasojë e dyshimeve të ekspertëve për marrëveshje të mundshme mes klubeve ose tolerime në fushë, duke qenë se llogaritë për pikët në këtë fazë të kampionatit janë bërë mjaft të ndjeshme.
Ndonëse bastet mbeten të paligjshme brenda territorit të Shqipërisë, bllokimi në tregun ndërkombëtar hedh hije mbi rregullsinë e garës për zonat “play-off” dhe “play-out”.
Skuadrat do të zbresin në fushë nën këtë presion, ndërkohë që objektivat e mbetur sezonalë diktojnë domosdoshmërinë e çdo pike.
NDESHJET LIVE KETU: https://vetemsport.com/kategoria-e-pare/
