Java e nëntë në Superiore, prodhoi surpriza të mëdha, por edhe polemika. Akuzat e tifozëve kanë qenë të shumta në rrjetet sociale, kryesisht për dy takime.
Pas humbjes ndaj Flamurtarit, tifozët e Vllaznisë shpërthyen në rrjetet sociale, duke thënë hapur se skuadra e tyre toleroi ndaj vlonjatëve.
Megjithatë ky është vetëm mendimi i tifozëve, ndërsa dueli tjetër Bylis-Vora, mori vëmendje më të madhe.
Në rrjetet sociale, tifozët akuzuan se Vora nuk dha maksimumin ndaj Bylisit, ndërsa ndeshja u diskutua edhe në disa studio televizive, ku disa veprime u quajtën si të çuditshme.
Po ashtu, akuza nga tifozët ka pasur edhe për duelin Korabi-Pogradeci, ku liqenorët fituan 1-2.
Megjithatë, vlen të përmendet se këto janë thjesht akuza nga tifozët, ndoshta edhe për shkak të nervave, që skuadrat e tyre nuk morën rezultatet që prisnin.
