Gjatë emisionit “MegaSport”, trajneri Ditmar Bicaj ka diskutuar mundësinë e një kalimi të Sokol Cikalleshit te skuadra e Flamurtarit. Bicaj u shpreh se ky transferim nuk ka gjasa të realizohet, duke u bazuar në njohjen e tij personale me ish-sulmuesin e Kombëtares.
Ai zbuloi se lojtari ka refuzuar tashmë oferta nga dy ekipe që renditen në vendet e para të kampionatit shqiptar. Sipas trajnerit, rikthimi në Kategorinë Superiore nuk përfshihet në planet e sulmuesit për të ardhmen.
“Me aq sa e njoh unë Cikalleshin, nuk e besoj. Nuk ka shanse që të kthehet në Shqipëri. Jo te Flamurtari, por edhe në Shqipëri po them. Di që ka pasur edhe oferta nga ekip te dy vendet e para, por nuk e mendonte kthimin në Shqipëri. Te Flamurtari jo që jo. Nuk është në idetë e Cikalleshit një rikthim në Shqipëri. Kur ka refuzuar dy ekipe në vendet para, që ka pasur kontakte dhe kanë shprehur dëshirë…”, u shpreh ai.
