Skuadra e Torinos regjistroi një humbje ndaj Cagliarit në javën e 17-të të Serisë A, edhe pse shënoi e para me Vlasic.
Rezultati negativ solli kritika të shumta nga mediat italiane, të cilat u fokusuan veçanërisht te performanca e lojtarëve në fushë. Mesfushori Kristjan Asllani, u vlerësua me notën 4.5 nga “TuttomercatoWeb”.
Kjo media e cilësoi paraqitjen e tij si të ngathët në rikuperim dhe të pasaktë në dërgimin e pasimeve vertikale.
Pavarësisht kësaj periudhe te Torino, 23-vjeçari mbetet një titullar i rregullt në formacionin e trajnerit Silvinjo te Shqipëria.
Statistikat tregojnë se ai është aktivizuar në 31 nga 32 ndeshjet e fundit të ekipit kombëtar që nga viti 2023. Pozicioni i tij në përfaqësuese konsiderohet i sigurt, pavarësisht rritjes së konkurrencës nga lojtarë të tjerë si Medon Berisha.
