Gjashtë ndeshjet e Kategorisë së Parë, të vlefshme për javën e 27-të, prodhuan gola të shumtë të shënuar.
Laçi triumfoi 5-3 ndaj Besës, në një ndeshje spektakolare. Kurbinasit e mbyllën pjesën e parë në avantazh 3-0, por në të dytën kavajasit barazuan në 3-3, para se vendasit të shënonin dy gola në fund.
Me këtë sukses, Laçi mban vendin e dytë me 63 pikë, vetëm një pikë më pak se Skënderbeu kryesues.
Korçarët zhgënjyen në shtëpi, duke barazuar pa gola ndaj Korabit. Fitore të pastër mori Pogradeci, që triumfoi 3-0 ndaj Ilirisë.
Kastrioti mposhti 5-2 skuadrën e Burrelit, ndërsa Apolonia barazoi 2-2 ndaj Luftëtarit. Kukësi triumfoi 3-2 ndaj Lushnjës, në duelin direkt për mbijetesë.
