Conte dhe Kolo Muani… Dështimi i paralajmëruar te Juventusi

Pas tre humbjeve radhazi, Juventus ka vendosur të shkarkojë Igor Tudor nga posti i trajnerit. Ky vendim është rezultat i një periudhe të gjatë pasigurie, që filloi pas largimit të Thiago Mottës dhe Giuntolit, dhe që solli mungesë koherence në projektin sportiv.

Në verë, klubi dështoi të rikthente Antonio Conten, duke mbajtur Tudor më shumë për nevojë sesa bindje.

Strategjia e merkatos ka rezultuar problematike: humbja e Kolo Muanit, investimi i kushtueshëm për Opendan dhe performancat nën pritshmëri të lojtarëve si Zhegrova, Joao Mario e David, kanë përkeqësuar situatën.

Edhe në aspektin drejtues, mungesa e një drejtori sportiv ka penguar stabilitetin e klubit. Tani, Juventus ndodhet përballë një tjetër ndryshimi në pankinë, që e çon në shtatë trajnerë në shtatë sezone. Drejtuesit kërkojnë një zgjidhje për ta rikthyer klubin në rrugën e rezultateve pozitive.