Klubi i Partizanit ka shfaqur interesim për sulmuesin e ri portugez, Erik Oliveira, si një objektiv për merkaton e verës.
Sipas raportimeve nga mediat e huaja, konkretisht nga “Universo Distrital”, 19-vjeçari, i cili sapo ka mbyllur sezonin me ekipin e të rinjve (U-19) të Oriental, synon të firmosë kontratën e tij të parë si futbollist profesionist.
Oliveira luan si sulmues i krahut të djathtë dhe njihet për nuhatjen e tij para portës, pasi në kampionatet rajonale me Fabril Barreiro U-17 shënoi plot 28 gola në 24 ndeshje, ndërsa në edicionin e fundit me moshat realizoi 12 gola në 30 takime.
Pavarësisht moshës së re, ai ka debutuar edhe me ekipin e parë të Oriental Lisbonës në Serinë D (kategoria e katërt portugeze), ku në të vetmen ndeshje të luajtur gjeti menjëherë rrugën e rrjetës.
