Sulmuesi Tedi Cara ka ndryshuar skuadër brenda kampionatit ukrainas, duke u transferuar nga Oleksandrija te LNZ Cherkasy.
Siç raporton “Transfermarkt”, shuma e këtij transferimi ka kapur vlerën e 400 mijë eurove. Nga kjo lëvizje përfiton edhe ish-klubi i tij në Shqipëri, Partizani, i cili zotëronte 10% të kartonit, duke arkëtuar kështu rreth 40 mijë euro.
Largimi i Carës erdhi pas rënies së Oleksandrijas nga kategoria, pasi dëshira e lojtarit ishte të qëndronte në elitë dhe të luante në nivele europiane.
Skuadra e tij e re, LNZ Cherkasy, u shpall nënkampione në sezonin e fundit dhe do të marrë pjesë në kualifikueset e Ligës së Konferencës. Te ky ekip, Cara do të gjejë edhe dy futbollistë të tjerë shqiptarë, Ajdi Dajkon dhe Muharrem Jasharin.
