Francesco Calzona ka mbyllur zyrtarisht aventurën e tij në krye të përfaqësueses së Sllovakisë. Trajneri italian ka refuzuar ofertën e re të Federatës për të vazhduar bashkëpunimin, duke i dhënë fund një cikli që nisi në vitin 2022.
Shkak për këtë ndarje u bë dështimi për t’u kualifikuar në Botëror, ku humbja në fazën “play-off” ndaj Kosovës rezultoi fatale për ambiciet e sllovakëve.
Gjatë qëndrimit të tij në stol, 57-vjeçari e drejtoi skuadrën në 40 ndeshje, duke regjistruar një bilanc prej 19 fitoresh, 13 barazimesh dhe vetëm 8 humbjesh.
Megjithëse statistikat flasin për një punë solide, eliminimi nga rruga drejt Botërorit rëndoi pozitat e tij, duke çuar në vendimin përfundimtar për t’u larguar. Tashmë Sllovakia duhet të kërkojë një timonier të ri për të nisur projektin e ardhshëm.
