Vllaznia ka marrë një goditje të rëndë në fazën më vendimtare të sezonit, pasi dy sulmuesit Lirim Kastrati dhe Çarls Bismark kanë mbyllur para kohe edicionin 2025-26.
Dëmtimet e tyre e lënë trajnerin me opsione të kufizuara në repartin ofensiv, pikërisht kur skuadra kuqeblu po lufton në dy fronte, për titullin kampion në Superiore dhe për trofeun e Kupës së Shqipërisë.
Me daljen nga skena të Kastratit dhe Bismark, e gjithë pesha e sulmit shkodran tashmë bie mbi shpatullat e veteranit Bekim Balaj dhe të riut Kevin Dodaj.
Kjo emergjencë në vijën e parë detyron stafin teknik të kërkojë zgjidhje të shpejta taktike për të mos kompromentuar rrugëtimin e shkëlqyer të deritanishëm.
Kur çdo pikë peshon sa titulli, menaxhimi i këtij boshllëku do të jetë prova e zjarrit për Vllazninë kryesuese.
/CNA
