Skuadra e Dinamos ka siguruar kualifikimin për në raundin e dytë të Ligës së Konferencës pasi eliminoi skuadrën e Astanës.
Ekipi i drejtuar nga trajneri Ilir Daja arriti të përmbyste rezultatin në ndeshjen e kthimit në transfertë, ku triumfoi me shifrat 4-1 pas kohës shtesë.
Pjesa e parë e takimit u mbyll me avantazhin minimal të vendasve, gjë që vështirësoi pozitat e bluve pas humbjes së pësuar në sfidën e parë në shtëpi.
Megjithatë, reagimi i lojtarëve në pjesën e dytë dhe gjatë shtesave bëri që ata të shënonin katër gola dhe të përmbysnin tërësisht fatin e kualifikimit.
Ky sukses i rëndësishëm në transfertë i lejon kryeqytetasit të vazhdojnë rrugëtimin e tyre në arenën ndërkombëtare. Në raundin e ardhshëm, Dinamo do të përballet me skuadrën humbëse të çiftit Alumini-Sheriff Tiraspol, të cilët luajnë në Ligën e Europës.
Sfida e parë mes këtyre dy ekipeve u mbyll në barazim pa gola, ndërsa takimi i dytë vendimtar do të zhvillohet gjatë mbrëmjes së sotme.
Kryeqytetasit kanë tashmë një mundësi të mirë për të përgatitur strategjinë e tyre për përballjet e radhës.
