Tirana ka arritur marrëveshjen për transferimin e mbrojtësit të majtë spanjoll, Hugo Fresneda.
18-vjeçari vjen në Shqipëri pas një periudhe të gjatë aktivizimi në akademinë e Mallorcas, ku së fundmi ishte pjesë e ekipit të moshave U-19.
Performanca e tij përgjatë këtij viti kishte tërhequr vëmendjen e mediave në vendlindje, si dhe interesimin e disa klubeve nga elita e futbollit spanjoll.
Lojtari kishte një kontratë të vlefshme me ish-klubin e tij deri në vitin 2027, ndërsa më parë kishte refuzuar edhe një ofertë për t’u bërë pjesë e akademisë së Sevillas.
✅ Hugo Fresneda (2008) deja el Juvenil A del @RCD_Mallorca y se incorpora al primer equipo del KF Tirana de Albania https://t.co/Cj4P2eWTkp
— Àlvar Moreno (@AlvarMoreno_) July 17, 2026
Tashmë mbrojtësi do të nisë një etapë të re në karrierën e tij profesionale në kampionatin shqiptar. Nga ana tjetër, drejtuesit e Tiranës janë duke punuar për të mbyllur të tjera lëvizje në merkato gjatë ditëve në vijim.
