Trajneri i Kombëtares shqiptare, Silvinjo ka ftuar futbollistin shqiptar të Bristol City.
Bëhet fjalë për Anis Mehmetin, mesfushori shqiptar me tipare sulmuese, i cili kohët e fundit ka tërhequr vëmendjen me performancën e shkëlqyer.
Mehmeti vetëm 24-vjeç aktivizohet në ligën e dytë angleze me Bristol, dhe ka provuar të jetë një lojtar i rëndësishëm me pesë gola të shënuar në 12 paraqitje si dhe tre asiste.
Mehmeti pritet ti bashkohet Kombëtares kuqezi për ndeshjet e rëndësishme të nëntorit. Vlera e tij në merkato është rritur ndjeshëm duke arritur së fundmi në 9 milionë paund.
