Emiljano Çela nuk është më trajner i Besës. Presidenti i kavajasve, Nexhat Bizhdili ka vendosur të shkarkojë trajnerin për mungesë rezultatesh.
Sipas asaj që raportohet nga “Superliga” në Instagram, drejtimi i verdhezinjve i është besuar një emri me përvojë.
Bëhet fjalë për Shpëtim Duron, i cili prej kohësh ka qenë papunë.
Duro ka eksperiencë të madhe dhe shihet si zgjedhja e duhur për një objektiv madhor.
Synimi i Besës është rikthimi në Superiore, diçka që dështoi ta arrijë një sezon më parë.
